「安全」與「安心」

早陣子有新聞報導某些膠製的奶樽有問題，含致癌物質，詳情不如睇b朗的網誌(http://blog.pixnet.net/roybb/post/17249866)，不再覆述了。於是媽媽決定為我換奶樽，爸爸雖然認為曾有報告說食白飯都話會導致生癌的情況，但為我o既健康，亦決定換奶樽。

經過媽媽的收料，卒之選了一隻日本牌子chuchubaby奶樽，再加上萊叔叔又打算為b朗換同一款奶樽，於是集合在網上商店訂貨。可惜瘦田今次有人耕，好多網店都沒貨，有展示的亦不見得有回應。卒之萊叔叔和爸媽各自在吉吉島買了，我這邊因要兼顧埋我係婆婆那邊開餐的需要，一口氣買了7個大3個小共10個奶樽，而原來德國出品n牌則要遺棄，兩邊加埋都有成16個，計落爸媽都有丁點肉赤架(仲要計埋呢10個新奶樽的支出呢！)

不過，以上所做任何野，都係為了「安心」，正如奶樽上的標貼，「安心」呢一種野現在比「安全」更加重要！如果唔係，各位叔叔嬸嬸又點會「安心」比錢買新奶樽呢.....