浸會大學及Mega Box

姑姐畢業了！恭喜哂！不過sorry喇，下面果滴眼淚同埋喊唔係因為姑姐畢業感動而來的......話說有人當日中午玩對講機比爸爸制止抱開，然後有人摑左爸爸幾把，仲搶眼鏡，然後仲咬爸爸右手指關節位同心口(之前幾日已經有人咬左右手中指關節位)，之後仲係態度囂張，簡直足可造就一宗虐殺親兒或激死老豆搵山拜事件。兩人對峙數小時後出發去浸大跟已身穿碩士袍的姑姐，還有三叔三嬸、孻叔仲有Icy姐姐等影相。初初去到面對超黑面爸爸有人唯有以淚擋格囉！
之後沒有跟姑姐一起吃飯，拜託了三叔車我們去Mega Box，那裡剛好有麥兜展覽，然後走走看看，六點吃了個午+晚飯再逛逛街才回家。