伴我成長 - 相機篇

話說爸爸媽媽係我出世前，就買定新相機，目的當然只有一個喇！就係影我嘛！以下就係係過去半年，每日追蹤同記錄左我o既cutie look，當然仲有樣衰look的器材喇：

P牌FX-55，3吋LCD，28mm廣角，識得追面面，又有智能拍攝(時高時低咁喇，不過都好多時幾準的)，而且佢仲兼顧埋拍片的工作添！

另一個好拍檔係C牌的40D配騰龍鏡，仲有EX580II閃燈，呢部因為機身大，所以都要視乎場合許可，爸爸才拎出黎用，日常snapshot還是細機最方便，特別係抱住我時，單手用自拍咁先影到我，大機就好難遷就了！

話時話，爸爸影左我都有過萬張相，size加埋10幾GB，等我收費d肖像權費都好喎！