幼潛課程排隊黨

話說今日係某機構的幼兒潛能課程報名日，仲要係最後一次要排隊拎籌，下次起就改做抽籤，由於媽媽負上了包班leader的責任，於是委派了爸爸未天光就出擊。


以下係爸爸係今朝的排隊黨報告：


黨員：1名

事前準備：無需對錶，因為得一個人行動，但記得要較鬧鐘。隨身物品：雨遮、PPC、相機、報紙、蒸餾水，仲有筆等

出發：
0518 - 起身了
0540 - 出門口，天才剛亮起來，外面微雨
0550 - 在便利店買過糧水同報紙，直奔.....上的士往尖沙咀(梗係唔係直奔尖沙咀喇，咁遠，跑死人o麼)
0600 - 尖沙咀麥當當(咦？唔係去排隊咩？) 溍爸：o希，阿囝，都要食飽肚先有力排隊架！
0610 - 拿著豬柳漢堡與latte的爸爸到達現場，落腳點加連威老道23A某找換店門外。由於只得黨員1名，故靠爸爸眼仔估計，前頭好說有幾廿人。
0610-0810 - 爸爸同排後面的叔叔吹吹水，又同再後面的姨姨吹兩句，前面終於有職員派籌了！不過係拎定先，入到目標建築物仲有野攪作。爸爸拎到第82號籌，唔知係上上、中定下下喇？(溍爸：阿囝，呢個係籌，唔係求籤呀！)當時據報「最後尾」已經轉左彎去唔知邊度...
0830 - 嘩，落大雨呀，好在已手持籌號的人龍開始移動入目標建築物，target：4/F某室
0840 - 交好表格放低個籌，任務完成，但得唔得仲要返屋企等電話。