出牙了！

話說今晚媽媽發覺比溍溍食佢隻手指時有d尖o野係我個口度咁，於是同爸爸一齊檢查下。由於當時正吃完粥仔，屬於非常清醒時段，於是要夾住我先整得大我個口，係呢d情況下，咁我當然使出喊功喇！卒之比爸爸媽媽搵到原來係下 面的兩隻門牙仔想出來玩喇！暫時唔係好明顯，但都睇到少少白色的！

查實隔左無耐，當爸爸餵完我食200ml奶奶後，我都自動波訓著左，於是比爸爸整大個O咀出黎，任影唔嬲，早知就咪鬼攪到我喊喊喇！

爸爸註：就係唔知係咪出牙仔，溍溍今日醒左好多，係床上面轉身，仲要轉黎轉去都得，之前都未見過，最多轉一下而已。仲有沖涼時又大力左好多，又係轉黎轉去，卒之第一次抹身係唔再係沖涼房進行，而係用毛巾包佢入房再著，因為小小的洗手盆旁邊的平台，已經容不下已經大個仔的溍溍，仲要係一個轉黎轉去的溍溍喇！