2008年8月20日星期三

溍溍的一個人的奧運

經過起碼7日以上的籌備,溍溍的奧運會現在開幕!

首先,第一個項目係號稱「豬欄」(無辦法喇,溍溍和爸爸都係豬豬,

而十二生肖又無雀仔,邊有鳥巢o者!)舉行的「推冬瓜」比賽....

溍爸:「咪住,唔好推咁大力阿囝,個冬瓜仲要留黎做今晚個迷你冬瓜盅架!」

溍溍:「............」

黎到第二個項目,係「擲積木」。


溍爸:「溍溍,擲啦!擲啦!.....喂,唔係食架!.....」

再黎係「速度滑梯」項目 :
路人甲:「咦,滑咩咩果d係咪應該係冬季運動會架?!」
溍爸:「#*%!....」
到左第4個項目,黎到「單槓」 -
身兼教練的溍媽:「溍溍,乖喇,企上去啦!」
溍溍:「咦,媽媽,咩單槓唔係打橫架咩?咩咁似撐杆跳o既?」
溍爸:「我話似pole dance多d.....」
經過4個項目落黎,我地又返去「豬欄」睇返d比較矚目o既球類項目先 -
評論員A:「一開波已經有個罰球喇,睇下邊個射先!」
溍溍:「媽媽,妳後掩我喇,等我射.....」
經過艱辛的比賽,呢位運動員都係選擇眠一眠先!
鏡頭一轉(無計,三色台就係咁,話轉就轉,理得你要睇貓狗定食月餅),
黎到造價幾百萬,又或者幾千萬至上億的港鐵車廂之中。
溍爸:「勁呀!」
溍溍:「使咩講,吊環動作我好得架!哈哈.....」
轉眼到「沙灘排球」項目 -
溍爸:「yeah、yeah,開波喇溍溍.....」
溍溍:「有咩好打o者,地氈底仲好玩喇!」
「沙灘排球」打唔成,輪到「擲奶樽」項目 -
溍溍:「又擲?」
溍溍:「好野黎架喎,擲左我用咩樽食奶奶呀?.....」
一連兩個項目唔多掂,我地又轉轉鏡頭睇下另一邊 -
溍溍:「wow、wow....這是難度10分的動作....」
溍爸:「好犀利呀!」
再換個更高難度動作,就係....
警告:以下為經訓練後動作,playgroup導師教的,
3個月以上玩得,不過最好先有專人指導,切勿隨便嘗試。
********
溍溍:「嘩、嘩,媽媽唔好放手呀!」
溍媽:「放心喇囝,頭先係playgroup老師教的,你做得到架喎!」
而家我地又睇返開幕前,傳遞「聖mote」時的片段先....(聖mote,remote也!)
再黎我地又睇下選手村方面的情況 -
溍溍:「嘩,今餐和味囉,有壽司食....」
溍媽:「唔好意思喎,呢d係比教練領隊食o既!運動員要節食喎!」
溍溍:「咦,d餅乾好dry呀....」
食完野返黎,我地又睇睇下一個項目,就係協辦的「盛裝馬竇」
溍溍:「行好睇d喇,老竇...」
正扮馬仔的溍爸:「你好重呀!」

騎完馬仔,又睇下不停破的溍溍自己破自己速度紀錄的「3格爬行」的比賽情況先 -

(點擊看大圖)


最後,我地黎到「酸辣湯」場館睇下水上項目先 -
旁述B:「呢位運動員正在陸上行舟練習中...」
溍溍:「o殊...咪嘈住我睇電視先喇!....」


好,睇完喇,努力練習中.....

比賽時間接近喇,呢位運動員換上「是必賭」的
最新研發cookie monster戰衣,特色係....
溍爸:「咦,咩著到個頭咁大o既?」

旁述B:「好喇,落水喇....」

溍溍:「哎呀,咪嘈住我睇書喇!隔離場先係比賽呀,呢度係家內的BB池咋!」


參加左咁多項目,呢位運動員為咩呢?就係為左以呢個外圍
以新幹線圖案包圍,內藏溍溍頭像o既獎牌喇!

今日o既比賽都差不多喇,多謝呢位media o既朋友

黎報導呢個「人云奧運」(人云亦云是也)
經過整理有成28張相片的超級blog後,訓返覺正o既先再講,zzzzzzz....

6 則留言:

匿名 說...

嘩,超超級大製作呀!直頭媲美開幕典禮呀!溍溍加油~溍爸加油~~

匿名 說...

好長呀!!!
個大圖開唔到播...

supageti 說...

豎該兒呢 ~

匿名 說...

呢個認真係嘔心瀝血的大製作喇架!邊做邊"中"眼睏,不過hea左好多日都未整,所以一氣呵成,頂順佢。

萊:我都唔知點解開唔得大,得閒先再攪攪佢...

Maggie's World 說...

笑死我啦 ! 仲精彩過我係北京睇的奧運比賽項目 ! 正 !
大姨

匿名 說...

個倒豎沖對bb有乜益處架?