如今我曉爬曉攀，去到新鮮地方當然好玩，仲有"太女麻"係度，估無到相差90年有餘(一個9個半月，一個90幾歲)，兩個仲可以黐頭芒到！今晚餐飯都係"太女麻"煮架！
爸爸上到"太女麻"好忙，屋頭屋尾200幾呎比佢行哂，因為今晚樓下係舞火龍，詳情請看另一篇，我會借d地方比爸爸佢自己講解返(因為我都唔知樓下堆人做咩野？)由於爸爸怕我跌落街(因為佢打開窗花伸出去影相，所以我只好和媽媽隔住窗花和玻璃窗外望。
爸媽和"太女麻"與我一起落了一陣樓下睇舞火龍，可惜人太多，除了爸爸閃了去影相，我和媽媽和"太女麻"就係樓下轉角豬肉檔坐。點解有得坐，因為"太女麻"識得個事頭婆，佢新抱拿了兩張椅比我地坐囉！爸爸影完返黎，我已經身水身汗，返到上樓換過片片，又係時間同"太女麻"講拜拜(因為都九點鐘喇！)落到樓下，我已經訓著左，於是爸媽兼程回家，途中碰上三姨和三姨丈。
時代唔同喇，當"太女麻"拿出陳年左籐右吉相簿來與最新的哈囉咪咪
相簿放在一起，9個半月的bb還是會選哈囉咪咪....
回到荔枝角港鐵站月台，本來熟睡的我，比一個住係電梯附近的姨姨一句大大聲的「硬膠」嘈醒左，據媽媽覆述，那個姨姨身光頸靚，名牌手袋，可惜粗口爛舌，拎住個幾萬銀名牌，相信人家都只會當佢拎住A貨而已那一款。
回到屋企樓下平台，爸媽和我在中秋佈置拍了幾張相，這裡有星星燈籠呢！
回到家中，爸媽不開燈，將剛才在"太女麻"屋企時整的螢光棒放到我身上，攪到我靜雞雞去攪DVD機時.......現左形添！
就是如此，我的第一個中秋節就愉快地度過了！在此祝各位八月十五快樂！特別係各位BB，最緊要八月十五乾乾爽爽，咁先"C服"呀嘛！~~
沒有留言:
發佈留言