2008年10月18日星期六

病榻中的七天

有說人生,就是生老病死。生,我只度過了10個多月;老與死,相信離我很遠很遠吧!餘下的病,最近,我就因病入了醫院,還留院七天,比我出世時到48小時後出院的醫院生活還以倍數計算。

由於病了兩星期,媽媽聞說伊利沙伯醫院的職員診所有好醫生,於是在10月9日帶了我去看了一次。可惜當日未能遇上好的那個,只是經歷生平第一次用有我名的HA181。

10月11日,媽媽再預約了去看醫生多一次,今次看的是陳醫生,經過診斷,確認為細支氣管炎,而且是Day 15,醫生說因病菌感染的話,會影響我21天的。後來爸媽翻開記憶,相信最大可能是在9月21日的一次BB聚會受鄰座BB感染了(不用玩亮相,應該可以鎖定係邊個喇!)。因為病菌的潛伏期是4天,病發開始咳咳是26日(Day 0)。由於在診所吸完藥還狀態不太好,氣喘由每分鐘80多下降至40多,但仍有發燒,於是醫生建議入院,但代價當然係有機會染得更多的病菌(試問那裡會比醫院更令病菌集中呢?)


乘的士到醫院期間,查實都戇居居了!
11日上午入院,留院在兒科病房的呼吸道感染病房內,6張病床不多人,到黃昏還只剩我一人留院,但到了晚上,全房滿座添!病床還加到7張。12日天氣不好,灰濛濛的,對於氣管比較差的BB,確是影響很大。
吸藥是留院的頭五天的指定動作,吸的是氣管舒張劑。

由於呼吸不好,於是我有了那會發光的腳趾頭!(連接到Pulse Oximeter,監察血氧和脈搏)

由於呼吸不太好,還加上了吸氧氣的「貓鬚」,外貌突然很「渣古」,型號可能係MS-06CHUN
(右手的膠布是早前在這邊手打了豆豆的痕跡)

我的機械手臂(查實係在手背有吊鹽水的豆豆),為防我整到,所以攪到好似機械手的look!

睇下,紗布下的豆豆,賣相有點似發射器呢!
如是者,首幾天我身上共連上了三條線,氧氣、鹽水和Oximeter,
爸媽和婆婆抱我又或我轉身都唔多方便,仲感覺似變成星野鐵郎添!
但講到最慘慘的就係食藥喇!爸爸試過有一次要餵我吃五種藥,每一種一個針筒,那一次還中場有大姨加入,但也要花了30分鐘,還有我和他的汗水才能成事。而我溍溍學習得最快,就是如何抗拒食藥,緊緊的合上咀,仲有隱約我木住咀講出「唔好」的發音,加上大量淚/汗水....
經過5天的治療後,氣已經順了不少,到了Day 21 (10月17日),終於可以出院喇!

在這七天六夜,多得媽媽每晚每早陪著我,婆婆亦一早一晚到來,卒之攪到佢都病左(跟住到媽媽都病埋),爸爸只早上返工前先帶洗乾淨的奶樽來(醫院的唔o岩咀形),下午請假到來接班,好等媽媽回家沖個靚涼和小睡一覺2-3個鐘,事關在醫院,我不嘈,還有隔離左右d唔舒服BB,又或唔識趣的媽媽嘈嘈嘛!所以,BB病病,大人也很辛苦啊!
現在,我已經好返很多了,在此祝福我出院仍未走得的禧禧哥哥、程程姐姐和燁燁哥哥快d好返,可以返屋企玩玩.... 另外,在這七天期間入院,後來從鼻液驗到有流感合胞菌要送到隔離的隔離病房的各個BB,早日康復。出左院的BB,大家唔好再係度見喇!
(註:以上相片經病人與病人的監護人同意下拍攝)

6 則留言:

supageti 說...

好可憐啊 ~~

匿名 說...

睇到d相溍溍好番好多,小心d啦.快d回復精力

Maggie's World 說...

溍溍終於好返啦,我地全世界人都鬆一口氣。婆婆現在好好多啦,溍溍要乖,好好對爸爸、媽媽和婆婆呀 ! 大姨字

匿名 說...

好返就好喇,最尾張相精神番晒呢~

辛苦晒大雄貓骨婆婆等~

匿名 說...

病病的確好辛苦, 唔單只bb辛苦, 照顧佢既爸爸媽媽都十分辛苦, 不過最緊要係溍溍冇事, 大人就放心.

匿名 說...

住左咁多日醫院,真係辛苦晒溍爸同溍媽啦!