私家車2號

繼坐左成年的私家車1號(即係bb車)後，今日新車落地的私家車2號現身喇！外觀上大致係1號有4個轆，2號只得3個轆而已，係性能係無差異o既(係呢個moment)，因為都係比人推郁o既！滿意度方面，睇我個樣就知幾滿意(唔使睇腳，唔係就穿崩知道係比人推而唔係自己踩架喇！)

落到平台已經見到另一架熟口熟面的私家車喇，原來真係希朗哥哥o既，佢係度同爸爸媽媽玩緊bubble。話說我地都係九龍廣華廠o既出品，生產日期只相差3日，不過一齊玩係轉眼已經相差左接近13個月後o既今日喇！

玩過bubble同滑梯，大家都係時候回家洗白白喇！臨走黎返張懶型的靚車照先......望鏡頭啦喂！