迪士尼列車再一次帶我地去到奇妙的世界，但妙就妙在奇妙的世界都仲係要doo八達通出閘，仲承惠$13.5。出站後今次唔係轉右而係轉左，行左10幾分鐘，沿途沒見到太多人，路旁又有花花，當散步也不錯。到達迪欣湖，原來果度好多人，可能因為好多人開車去，所以行過來的就比較少人。
由於時候不早，爸媽第一時間係搵野食，但那裡只有獨市的7仔，都同樣會有上次爸爸食過樂園價的$20 hot dog。雖然這裡沒正經飯餐食，但起碼有波仔又或者美心的叮叮飯幾款選擇，相比係樂園食野，算係自由和選擇多了。
爸媽叉完電，同時我都食飽自家帶來的粥粥，係時做出動了！我地逆時針方向行，第一站經過人家租船船或者單車的地方，後面係遊樂場，我係果度獻出左我o既第一次，係第一次打遷揪，我竟然唔驚驚，仲玩得好興奮添！
之後騎過馬仔、海豚，又玩埋滑梯，就出發逛迪欣湖喇！沿途唔少草地，又有小山坡，係草地上行是很過癮的。花花亦有唔少，爸爸邊行邊掛住影相，所以個圈都行左成個鐘。途中爸爸仲撞到佢中學同學鴻叔叔仲有麗姨姨(佢兩個都係爸爸同學)，仲有佢地o既4歲囡囡和17個月大的囝囝。
湖邊竟然有荷花池仔幾個
行緊時天上除了不時有飛機飛過(仲要聽到引擎聲)，仲有幾隻鷹係度飛飛飛
離開迪欣湖時，我已經訓左覺豬。由於要改裝家中細房比遲下黎屋企的印姐姐訓覺豬，回程到南昌站後，爸媽帶了我去健康院......隔離的西九龍廣場。健康院係我黎到呢個世界後，由醫院回到家中之後，第一個出街去的地方，但隔離個商場，我都隔左成年後先第一次入去。攪好野訂床同新書枱，爸媽食埋個麥當當就返屋企。係屋企樓下同聖誕樹留個影先！
現左一日， 返到屋企時，我己經攰到......
聖誕日過後，還有Boxing Day。今日輕鬆d，唔使出街，因為媽媽要返工，只係下午約了嘉駿哥哥同希希哥哥黎玩。黃昏時姑姐仲將寄存左係女麻女麻度的太陽踏行車拎埋過黎添。三仔約會有咩玩？除左睇DVD，究竟12．30．50個月大o既組合會玩咩——係煮飯仔！哈哈哈~~~最衰Kathy姨姨同名晉仔，昌叔叔o既卓妍姐姐同細佬，仲有平叔叔個謎之哥哥(事關到而家都無人見過實物)都黎唔到，唔係可以測試下6仔1女係咪都係玩煮飯仔？定係玩雪姑七友(雖然仲少咁個)，哈哈~~
沒有留言:
發佈留言