試鏡第二回之"打仔"

繼噚晚去了尖沙咀海傍試鏡後，今朝亦要去尖沙咀返幼潛，難得媽媽今日放假，於是放學後，一家三口去了九龍公園，亦係我第一次去呢個公園。

去到又係爸爸試新鏡頭o既時候喇，噚晚影夜景多過影我，今日天氣良好，梗係要多d影我喇！正在學行o既我，最喜歡一手扶著車車一手扶大人黎學行。

而且又好鍾意玩滑梯

玩到差不多兩點有多，就行左去佐敦吃午飯，吃完仲行街街。今日去左永安百貨，係嬰兒部媽媽買了cream和羊毛底衫比我，而去到玩具部，不得了！爸媽買左架三輪車比我呀！遲下可以落平台玩車車喇！雖然架車係Thomas，無爸爸更喜歡的JR，不過排隊比錢時，爸爸發現有JR車車買，於是都買左一架，而媽媽又買左個沖涼時玩的噴水八爪魚！嘩~~~一日收三份聖誕禮物，真係唔係幾好意思o既， 哈~~哈~~哈~~