特訓！bb床睡眠大作戰是也！

等待了差不多三個月，期待已久的印姐姐可望於下星期到來，加入我這個三人家庭，成為第四個成員。爸媽除了去年十一月起改裝屋企，還有執拾東西，到這星期，就輪到對我的特訓開始。

由於先幾個月我晚晚喊喊，自此我就成為爸媽張床的中間人，訓得舒舒服服，連午睡都係「置身其中」。為左可以提升爸媽房間在上班後的保安程度，於是將已無訓好多個月的bb床移到書房，放在印姐姐的高架床下，而我未來的午睡，就欽定係呢度覺覺豬喇！

這幾天媽媽放假，於是特別為我進行特訓，首兩日逗我訓的時間和我最後睡左的時間相若，都係訓得45分鐘左右就醒了，和我訓大床的時間起碼一小時或甚至兩三小時比較，還差很多。今日第三天特訓，終於「等」了差不多半個鐘就訓了成個鐘，大進步呢！而爸媽亦嚴守從Super Nanny學來的方法，就係由得我喊、扭計，坐係床邊不聞不問不啋。

這星期將會主要由鐘點英姐和婆婆為我進行特訓，究竟成績如何，且看下回分解喇！