再再上學去

停了3個多星期，又再上playgroup了！叫得「再再」，因已經係第三期了。完成了基教幼潛第二期後，慶幸地抽中了第三期，可惜不能與兩期同班的街坊盈禧同班，她上星期日早上的，而我上星期六下午的。上星期六的好處是星期日唔使爸媽早起身，同埋多了一整天可以搵節目去玩。

第二期的最後一堂後，適逢農曆新年，都唱賀年歌去了。三個多星期後的今天，歡迎歌再次在耳邊響起，新同學仔們，你好！初次見面的張姨姨和嚴姨姨，你好！

這裡有個規矩，第一堂和最後一堂可拍照留念，於是爸爸又幫我影相，比佢捉到我上上下堂閃左去櫈仔度鬆筋添！(點解次次都比爸爸影到坐櫈仔相o既？)

上堂指定動作，搖鈴！左手右手、左手右手、舉高放低、同學交換......習慣哂喇！不過之後的活動玩起上黎都有扭計，曳曳喇！不過好快回復狀態，仲比張姨姨讚我留心添！

新同學大家都唔多熟，上堂都比較生疏。o岩o岩回顧返先前兩期，原來同盈禧都不覺不覺都入左鏡頭好多次，以下係2008年8月至2008年11月及2008年11月至2009年1月的兩期幼潛首尾兩堂的影像，大家睇下，我同盈禧有咩變化？