15個月

15個月喇！今個月因為爸媽的返工時間各異，食榚榚的環節提早到27號晚進行。不過，今次無點蠟燭喎，因為爸爸見萊叔為b朗的農曆生日準備左紅雞蛋，於是佢都買左返黎。之但係......凍o既！原來係北海道牛奶布甸(牛奶味和士多啤梨味，士多啤梨味就係紅色果d)。食法都好攪鬼，好似蛋蛋o既布甸，無殼但好似個氣球咁包住，點開呢？爸爸話根據招紙上的說明，係搵枝牙簽去拮佢，啊？媽媽拎牙簽一拮，個氣球就好似層皮咁，穿左，一撕就甩哂！味道呢，一般喇，太凍唔好食，攤暖返dd都ok。
跟住食第二樣，yummy！一個人食了大半條，咪黎？就係北海道朱古力puff，食到成口都係朱古力，哈哈~~

蛋型牛奶布甸和朱古力puff都係爸爸收工時係中環新開的marketplace買的，原來當日新鮮貨品，因為剛做promotion的第一天。同場還有爸爸的boss太太送的本高砂屋精美禮盒，據講係爸爸送出的《旅遊集誌》的回禮，好味道！哈~~

28日正日，爸爸返工前，爸媽和我一家三人8點幾就出街了，為的是我人生的第一次interview，in幼兒園去是也！地點是美孚某幼兒園，由於近年好多哥哥姐姐細佬妹出世，而家很多學校收大仔也收夠了，身為細仔之一的我，都幾蝕底。點知，第一次interview的經驗係爸爸陪住我玩，媽媽同老師邊問下細節邊寫報名費註冊費的收條就完成了......攪掂後去了平台見到d叔叔嬸嬸耍太極，我又黎......

耍完太極就撞到從未係平台遇上過的街坊uu姨和悠悠姐姐，佢今朝都係去interview。初次見面，握個手先！

之後食埋麥當當早餐，爸爸返工，媽媽同我返閨。到爸爸收工，又到媽媽返工了！下午上幼溍第二堂，今日精神爽利，三個活動都得好好，所以返屋企後爸爸仲帶埋我同姐姐落平台踩單車 。之後沖涼食粥粥，過了愉快的一天。(下面張相係爸爸選的，佢話怕我大左唔比d出浴/肉照人地，而家要post多d喎！咦~~)

最後，報告下這一個月的狀況先：已經有多次坐廁所便便成巧，又嘗試了花洒浴，身高比上月增展0.5cm至74cm，食野呢，食完粥仲要追住食大人飯，呵呵~~