四仔聚會第二回

今天晚上去了vicky姨家中shabu shabu，由於在家中食埋粥粥先出門口，攪到遲哂到，sorry哂！這次亦是繼2008年3月30日係萊叔家中的四仔聚會後，再一次攪無格仔的四仔聚會。之前查實都有幾次機會，但因時間不合出唔到黎，經過11個月，除左鋒鋒哥哥外，泓泓哥哥、b朗和我都大個仔哂！

呢頭食完粥粥才出門口，飛的士去到都係相差了20分鐘左右，見人食我又食，再黎一個烏冬先！然之後，炸魚皮都食埋！15個月bb食炸魚皮，勁呢！跟住到剛剛收碗，又來了一個雪榚蛋糕，為補祝Abby姐姐28號生日和預祝b朗3月6日一歲生日的，跟住我又食！但其實係呢一個moment，我已經係度食緊包包了！哈哈~~
回程返屋企，我地搭小巴，好快就返到屋企喇！ 四仔聚會留影，今次大家都大個仔，所以要勞煩Sam叔叔出口先可以hold一hold大家，但有3個人眼神一致，因為掛住睇視視囉！

去年3月30日，當時又大家太小，要萊叔抱住先影到相(咦，鋒鋒哥哥呢？)