忙碌的一天

2009年4月18日，真係由早忙到晚。早上起床，洗面擦牙食早餐都比平日要快左好多完成，事關今日會去interview「荔園」(爸爸話果度係以前荔園喎！)的一間nursery，但由於爸媽都要返工，今次係婆婆同大姨出馬帶我去的。

出發前，換返件似樣的衫衫先。

除左婆婆，大姨，仲有呢本portfolio陪埋我去。今日interview編號111，好意頭嗎？我去一次interview，咪同我去玩差不多，interview咩野？都係由大姨向爸媽講返好d。據可引述的消息稱，果度似家長interview多於bb去interview，普通話和English作interview語言，in完一種又另一種，卒之係重重覆覆的。好在大姨陪我去，兩種語言當然「矛溫T」啦！黎緊5月仲有另一間去interview添。

回來後又趕住食午飯，食完要訓覺叉下電。事關下午要返幼溍，訓醒又再出發了！這時外面下雨，爸爸比我帶埋遮遮出街。
上完堂，因爸爸看到pace哥哥在facebook說H&M廣東道店開張，於是放學先閃了去行一轉先。

買完野出來仲係落雨，仲唔細添，唯有的士回家。係平台，媽媽第一次比我自己擔遮喇！呵~~好好玩呀！

不過，除左影上面張相果一刻，我個手勢都係咁......
返到屋企食我o既dinner，食完沖涼涼，洗面擦牙、story time後，又係時候訓覺覺豬囉！

以下係今日的戰利品、T-shirt、背心和褲褲，仲有cap帽、漁夫帽和太陽鏡，仲順道買埋下星期用來送給初生的Eva的禮物。另外，送多個有型look比大家睇 :p