拜拜喇！毛毛！

頭髮長長的溍溍，經常引來艷羨的目光......以為佢係女仔。仲有那一執在右耳的長長毛毛，經歷了兩次出頭泥仍迄立不倒的胎毛，亦吸引左萬千的少女話好kawaii。不過，難敵炎熱天氣，攪到成頭汗，又耳仔痕咁，於是爸媽今日作出了一個重大的決定。

首先，為保存那一執kawaii，先由媽媽操刀下剪—「嗖！」，無o左！
放心，係剪低黎留念o者！

然後去了隔離商場那間有架車仔剪髮椅的saloon剪髮。剛去到時有個應該差不多大小的bb係度剪緊(正確應該係剷緊，佢剷skin head)，喊得死去活來的。於是爸爸抱溍溍去睇下，然後問溍溍：「驚唔驚呀？ 」溍：「驚。」

由於出面架車車用緊，媽媽著爸爸帶我入去參觀下，當時有個幾歲大的哥哥坐櫈櫈剪緊，很乖的。突然有個髮型師哥哥埋黎，試下著袍得唔得？結果係唔得，一著就扯開。最終由媽媽抱著溍溍坐底就剪。溍溍不算太抗拒，只因剪下來的髮碎令佢好唔舒服先郁來郁去又或用手去撥，一邊用物件逗著，髮型師哥哥飛快的「嗖、嗖、嗖......」卒之這個溍溍的第一次saloon剪髮歷史時刻，由入saloon到比完錢出來只需10分鐘，簡直和日式快剪有得fight！

Saloon門外第一時間相片

返屋企沖完涼的新+爽look，媽媽睇真後說：「溍溍終於似返個男仔喇！」