18個月

經過左548天，溍溍今日係18個月大了，又即係1.5歲，又或者簡單直接叫做歲半。

今個月高度好似無咩進帳，但體重呢，前排睇醫生時磅大約12kg，即係26磅幾，抱起上來的確很重呢！

牙仔方面，出左好多隻，與其報告出到第幾隻，不如數下仲有幾多隻未出仲容易。而家大約剩返幾隻未出o者，牙痕流口水搵野咬依然。

學習方面，一連上了三期的基教幼潛已經斷纜，目前在隔離屋苑個商場的一間playgroup一星期中英文班各一。顏色方面，上個月勁講red和black，今期愛講灰色，亦很喜歡拿蠟筆來畫冊上畫畫，原子筆亦一樣，但都畫到白色的梳化、high chair枱面同埋自己手手腳腳上。能講的東西亦多了很多one、two、three、four、five；1至10等，而跟大人說話，再自己重覆說話的最尾幾個字當答案亦常常發生，例如「食唔食呀？」「食！」、「好唔好呀？」「好！」等等。

今個月亦去了一間幼兒園interview，收不收下星期便知道了。

而係歲半前，終於去了saloon剪了第一次頭髮(之前媽媽係修剪前面d蔭而已)，剪完頭髮，老積了很多。

以上係歲半的報告；以下報告歲半的今日做了甚麼：

話說今日正好是端午節假期，爸媽都放假，happy！食早餐時，整鬼做怪。
食完早餐，飛的入沙田，為的係睇龍舟。
去到已經人頭湧湧，事關已到最後兩場比賽了。
呢d就係龍舟喇！
散場之後，先到了新城市廣場食飯，然後就去了女麻女麻屋企。
姑姐投資得利，買了個玩具鐘我玩，happy！
本來想去食buffet慶祝，但諗起屋企仲有糭食，
於是行過新城市就回家去，順便留力未來幾日去街街。
返到荔枝角就買了個蛋榚回家慶祝，先黎拆禮物。

除了姑姐的禮物，仲有惠明姨姨預先送來的神秘禮物，
今日謎底終於解開了—登~登~~就係麵包超人磁石畫板了！happy！

然後就到食蛋榚，美心天使蛋榚，yummy！
今次仲係我溍溍自己吹熄蠟燭添！

可惜，通過早前一輪特訓，今日本來我已身處名古屋，奈何人類豬流感爆發，留港消費喇！

補回：2009年5月27日，是日到婆婆屋企晚飯，三姨買了兩個果凍cake給我預祝歲半生日。
因此，曝露了我的有叉用為食相，哈哈~~