東涌+昂平360

2009年5月31日(星期日)，又係時候出發gogogo！今日和爸爸都穿上波鞋出動，但奇怪的事發生了！兩對白鞋，一出街爸爸的已給溍溍舉行了「開齋」儀式—踩了幾鞋，可是回家時發現黑了的，竟是溍溍對鞋？？？

查實食完早餐，執下野，出發時間已是上午11點幾了，12點幾去到東涌，先去了food court午飯才上昂平360。

溍：「唔~~等我研究下陣間點玩先！」

今日遊人不多，以為可以一家「霸」一架纜車，而排隊時爸媽亦盤算前後會唔會有好嘈的小朋友可能會同車，點知最後都編排與另外一家三口同車。好在，那個3.5歲的姐姐開頭怕坐纜車，於是她很安靜地在車上。反而是我呢.......哈哈，差不多全程企在櫈上先風照......

仲久唔久落地走來走去！

去到昂平市集，爸媽計過算過，理應係我的叉電時間，點知我仲好精神，於是快馬登大佛去！登大佛前做足準備，我先戴上cap帽和太陽鏡 (媽：「溍溍，你做咩企得咁瀟洒呀？」然後分配由媽媽準備抱我，爸爸揹bb車。

點知，我溍溍自己一行就行了5截半樓梯，餘下的才由媽媽抱抱。

上到大佛，行左一陣，因沒買齋券，所以沒有看大佛內的展覽，在外面找了個哥哥幫手影張全家福後，下山喇！下山時，我都自己行左少少架！
然後仲買左手信比婆婆，而我自己都有一條紫水晶手鍊添！

再然後，一落bb車，我就叉電去了！係呢個叉電期間，爸媽推了我去心經簡林，然後再回到昂平市集，打算看「與佛同行」和「靈猴影院」。

由於時間關係，爸媽採取了一些手段，卒之趕及4:45分看「靈猴影院」，5:00看「與佛同行」。而我竟然一連三次通過在影院內好嘈同黑漆漆的環境下乖乖看戲的創舉。趕完睇戲，然後係tea time，在座位隔離的商店簷上，有燕子巢啊！

tea完又係我runrunrun的時間，跑來跑去、跑來跑去，再影下相已經6點，要回程東涌了。

今次和一對哥哥姐姐情侶同車，我除了看風景，我又玩pole dance！唔係，我呢d叫做one leg dance，一叫one leg dance就舉起一隻腳，再叫other leg就會舉起另一隻，爸媽都話好玩(梗係喇，玩我呀嘛！)

回到東涌，何時看得我目定口呆呢？

原來係噴水呀！我心裡很想去玩水，但可惜被困係bb車上！

係東薈城吃埋晚飯，時間已八點幾了，要回家去囉！
今天外出遊玩九小時，又破了紀錄囉！回程時我仲好興奮添！yeah！

如果，我真的出發了！今天是行程的第四天，大致會從伊勢松阪移動到名古屋去了！