20個月

溍溍已經20個月了，說話方面，雖然仍常有bb話唔知佢講咩，但學人講話的程度，已經可以係5、6個字以上的一句句子。還會指指點點，例如「爸爸坐呢度」、「媽媽坐呢度」、「媽媽食」等等。又試過有日食晚飯時大人睇電視，佢要睇碟，除了出聲要求睇邊隻碟，仲拎左個remote黎話「熄左佢」(指o既係大人睇緊果個台)。又話說有日同婆婆落商場的某玩具店，除了模仿大人拎起貨品轉來轉去睇外，仲拎去櫃檯去問店員「請問幾多錢？」添。

活動能力繼續提升，包括趁婆婆行開就拎d蠟筆畫到d牆花哂咁。另外又鍾意趁廚房個欄失守時，閃入廚房開雪櫃(因為有益力多飲)。鍾意睇書，最近開始比多d車車佢玩，另外媽媽亦帶溍溍到會所游水，溍溍開心到飛起！

體重身高方面繼續上升喇，但因為企唔定，身高度得唔多準確，體重就抱起上黎係好鬼死重果隻喇。

飲食方面，種類一直擴大緊，魚柳包都食到1/3個，除了有些可能味道較濃的外，都同大人無咩分別。麥當當薯條仲開左竅咁，識得自己伸手入個袋拎出黎食添(當然，只限佢食1或2條而已)。

最後，跳返part舞過大家睇睇：