再臨黃金海岸沙灘

先兩星期，約了希希哥哥去黃金海岸沙灘游水，怎知颱風來臨，行程告吹於那個巴士站的如此近距離。今天天氣晴朗，第二次再去，終於可以行我人生的第一次下海....應該係下水禮至真。

上一次在馬灣的東灣，爸爸已帶我行到水邊(還要是著了波鞋)，但相比這裡的海，那邊實在平靜，這邊是一個個浪的打埋黎，還要我是著泳裝的。而初次下海的我，又一d都唔驚。第一次玩沙，同希希哥哥一齊玩，點知係倒水多於堆沙。玩玩下仲比我發現用手仔撥d沙彈黎彈去係很好玩的，點知....哎呀！出事喇，撥到d沙入眼仔添！嗚嘩嘩.......

然後同媽媽、契媽，仲有希希哥哥下水去了！下水後我很興奮，仲係度踢水添，爸爸亦在水邊影相。點知.....本來沒穿泳裝，只打算在水邊跟我玩的爸爸，最後竟展示了他的豬腩肉落埋水同我玩添。
在夕陽下，玩沙玩水都玩左成個幾鐘，完全是超哂標。太陽伯伯收工了，我們才離開，這時更衣室遇上了沖身的高峰期。怎知我又幾乖下，排排隊又唔扭計，契爺還請了我和希希哥哥食雪榚添。晚飯於黃金海岸最實惠的餐廳，吃過後才回家去，大滿足呢！