九月上半總集編

自從報導完21個月之後，由於爸爸工作很忙，事隔半個月有多，一次過黎個大堆頭九月上半總集編！

9月5日，係近日算得上人齊的去了萊叔叔家看b朗新出生的弟弟(現已滿月並命名為哲朗)，同場本來係首次有第二梯隊組成的七小福會面，誰知有兩個做細的比留在家中，卒之唔計仍是little baby的哲朗，還是一個四仔聚會。

9月6日凌晨，是溍溍有史以來最夜訓的一晚，逗了很久也不肯訓，卒之被掃出廳睇VCD，睇到差不多兩點才願意訓，事源可能係一連幾日被縱容訓得過量的晏覺所致。9月6日下午連晏覺都唔訓，晚上和爸媽到隔離商場的Pizzahut晚飯，爭住飲凍朱古力，食意粉，食飽飽仲去了新開的Jusco $10店內的Moorry fantasy玩車車，之前都係同希希哥哥玩過一次而已，第二次已經懂得邊個位入代幣，果真其他野都無咁叻，講到玩喎，一次就學會。。晚上最終在飲奶奶的一刻，累得邊飲邊訓著了。
近日的溍溍抱起來好像很重，但長肉和長高方面又不覺太明顯，長高還是有的，但重量呢，磅起來又真係唔係重左。影相時有時有些角度覺得唔肥，但有時又影到好包包(右上)，最重要係有時影得好斯文，查實而家run run run，成日hea哂d野通地係，訓覺更加撲來撲去唔願訓。

有一晚，溍溍又是撲來撲去唔訓，於是爸爸和溍溍有以下對話：

爸：「Are you crazy?」

溍：「No.」

爸：「Are you sick?」

溍：「No.」

爸：「Are you sleepy?」

溍：「Yes.」

跟著溍溍的確是飛撲到枕頭去，但不消片刻，又撲來撲去......

玩樂方面，會落下平台玩喇，玩滑梯和吹bubbles；沖涼涼都愛玩bubbles；仲有愛聽we sing we play，飲歌包括rain rain go away，有日仲整左個村姑look，拎埋道具傘黎唱(仲要唱唱下去睇書搵歌詞)。由於成日掛住玩又唔多願訓，有時臨訓前的時間，個散紙包谷到大過雙眼添(右上)。

此外，呢期成日食手指，以前無呢個習慣，但而家出兩邊大牙，一隻兩隻三隻手指起勢食，咬人仲好鬼狼添。擦牙又成日掛住玩，有時都要捉住黎擦，嗽口又有時玩野，含住d水亂咁boo。

上星期返女麻女麻度，臨走去了樓下的Jusco超市，爸爸買了包1歲起食用的卡樂B蝦條，但暫時未試食過。
最後，送上溍溍的攝影作品。近日佢學識開機，亦開始知道按快門的位置，但左手還是經常擋著鏡頭，卒之婆婆塊面、地墊和看報紙中的媽媽都給手指遮著了。只有右上一張影了房的天花最清晰而已。