第四回幼潛課程與第二回剪頭髮

2009年9月19日，是闊別了四個多月後的第四個基教幼潛課程。5月後的抽不到，令我在兩歲前只能上到四個，要不是可上足五個呢！今次地點再不是觀塘和尖沙咀，而是去了大坑東。這裡和觀塘的很相似，又是要上四層樓到平日是幼兒中心的班房上堂。

第一個到達中心，看看同學名單，只有七個，然後就去洗洗手。之前朦豬豬，今次自己企係度洗手，好好玩。上堂了，今次是張姨姨和Iris姐姐，而由於安排改動關係，以往第一堂和最後一堂可以影相，但今次改了在第三堂才能影，不能影到我唱歡迎歌添！同埋豬流感的關係，只能有一個家長戴著口罩陪上課，今次媽媽陪我，爸爸唯有和相機一起在走廊等。

一小時過去，黃昏六點的石硤尾的晚霞很美。放學後便去晚飯，以為早一點不用等位，誰知去到三上日本料理，還是要等，最後還遷就地轉了去過兩間迴轉壽司舖那邊坐(同公司的)。可能廚房不同，爸媽還很久沒去吃過，他們說水準沒以前的模樣，而我就第一次自己飲哂杯橙汁和試吃了鰻魚手卷。

吃飽了也快八點，天氣也很熱，於是決定回家去。就在那一刻，決定去看看saloon收工了沒有，替頭髮長長的溍溍剪頭髮。之前頭髮長長，很多人還在問你係男仔定女仔黎架？現在又爽又男仔，應該無人再要問了。但過程呢，第一次剪時沒車仔坐，今次有喇！仲搵返上次個哥哥幫我剪，可能沒鋪圍巾，頭髮碎一跌落溍溍身就開始喊出來，一直喊到剪完，可以痕痕吧！不過，剪完完全唔同哂喇！

溍爸註：今次幼潛第一堂印象真是麻麻，不是地方，不是導師，而是家長。有個媽咪，放學一刻抱住自己個女，但剛好個pat "bell"到溍溍，竟然轉望都無望下"bell"到果個細佬有無野。轉頭出班房，仲竟然見到佢坐度著鞋時踩住我對鞋黎著佢隻鞋，有無攪錯呀！而另一個阿爸，人地都講左唔影得相，佢又仲係度影，然後又係班房外大大聲replay d片睇，到臨走小朋友玩玩具，一個家長聽書一個陪玩，佢又係一邊大大聲講電話，真係呀！