食的星期天

星期天，一家七點幾就醒來，不過連帶我和爸爸個running nose都醒埋，卒之爸爸再訓多覺先。本來去沙灘，但外面天色不好又熱，仲要開大冷氣等爸爸煮個我o既lunch同爸媽o既brunch。

餐單有pizza(用焗爐焗返熱食得果d)、玉子豆腐炒蛋(爸爸最初係報紙看到叫媽媽和姐姐做過，今次他才第一次自煮)拼星星月亮太陽薯餅、即製芝士香草三文魚(食剩半塊，爸爸快手快腳包錫紙放入焗爐20分鐘就攪掂)、即製蒜蓉豆豉醬排骨(因為到期，又係快手快腳水滾落鑊蒸10分鐘攪掂)，再加麻蓉包三個(蒸完排骨，再放入滾水蒸8分鐘攪)，再配以大特價橙汁1.25L一枝，全部雪櫃一拎出黎就整，快靚正。

食飽後再整多枝奶，即訓晏覺。之後落樓下拎野比麗姨姨，買完餸再回家hea到黃昏才出街。是晚出了太子，先去了吃飯，然後媽媽買了新電話(舊的壞壞地了)，再然後回家。本來爸爸想帶我去買Pocoyo，不過舖頭都收工了，留返下次吧！