聖誕前後大事回顧

年尾流流，比d大戶黎逼倉，唯有請出近日做到氣咳的代言人發表下呢個聖誕前後o既大事先：

12月19日：女麻女麻屋企做冬，冬菇好食！

12月20日：睇書去picnic，今日爸媽第一次親身帶我去，本來想去d比較郊外的，但天氣冷，於是選擇左交通便利的屯門公園，係屋企坐MTR就去到(荃灣線+西鐵線)就到。食物有雞蛋三文治、咸牛肉三文治、芝士吞拿魚粟米沙律同埋鮮蝦雲吞。食完行公園，有好多表演位置，好多伯伯嬸嬸載歌載舞，仲參觀埋爬蟲館，可惜d龜龜蛇蛇天氣冷，縮埋哂。回程經西鐵轉東鐵線，V型路線去到九龍塘才轉調景嶺線，都幾方便。是晚婆婆屋企做冬，盆菜d魚蛋好食！

12月21日：做左兩日節，是日小休片刻。

12月22日：繼續小休，為黎緊幾日假期作出儲備。

12月23日：繼續儲電中。

12月24日：返緊o既playgroup X'mas party，媽媽同婆婆帶我去玩。晚上爸爸放工回來，帶來了Kathy姐姐送的聖誕禮物，有牛牛牌的冷帽同埋型仔的恤衫同牌，多謝哂！

12月25日：今朝媽媽返工，姐姐又放假，與爸爸你眼望我眼。卒之爸爸靈機一閃，弄了三文治和沙律，仲帶埋湯同埋C C Lemon，帶了我去石梨貝水塘睇馬騮。由家中出發，去長沙灣廣場坐72號巴士，15分鐘就到。果度好多馬騮，有馬騮爸爸、仲有馬騮媽咪同bb，仲見到佢地飲益力多添。過了水壩附近的燒烤場就picnic，食完就回程，全部抱抱，梳乎到不得了！上72號回程仲訓覺豬添。(溍爸：你就爽，攪到手又攰，腰骨痛呀！)

12月26日：是日契媽、冼姨姨、kathy姨姨，仲有大姨三姨細姨等上黎屋企開party，再一次四仔聚會，有嘉駿哥哥、希希哥哥，仲有名晉弟弟。另外仲有三個bb係肚皮入面，來年可能變成七仔聚會都唔奇，哈哈~~

12月27日：婆婆生日buffet，食食食，走走走，最緊要bb唔使比$，仲有經理叔叔送左隻令我充滿錯折感o既crocodile dentist玩具，點解我按親都比佢夾架！#^%!