牛年年末總結篇

由於代言人農曆年假前忙到飛起，牛年年末一個多星期的活動，只能留在虎年大年初一公報。

2月5日，媽媽公司晚宴，又食又玩，街坊景文姐姐還帶著我去玩猜皇帝，據報我都有嬴過喎！
週末爸爸帶我去樓下玩，玩滑梯，入會所，仲開了聖誕時契爺送的遙控貨櫃車，不過一開車就片到屋企d櫃同牆腳花哂，爸爸於是要加裝d護墊係度車度。7號晚上，下起大雨來，是夜到婆婆家團年。

係婆婆家吃盆菜團年，三姨剛幫表弟照了3D相，仲有兩個月就同表分見面喇！之後星期一、二、三如常返學，但到星期三就開始流鼻鼻......

病了，發燒、有咳，星期四早上媽媽要返早班，於是換衫和爸爸一起去看醫生。星期五還是有點燒，又無胃口，於是繼續請假病，返學個多月以來暫時共放了3天病假。司徒老師提醒爸爸，有一個同學有手口足病，要留意一下。

星期六，趕在年三十晚去看醫生，由於連續幾天假期，預約也爆了，要親身去掛號，不過還是要等一個幾鐘，護士姐姐吩咐不用留在診所等，可以行開等電話。再次看醫生，醫生說是氣管炎，於是加開了抗生素和青蛙仔(善古寧)。這個年三十，天氣冷，又病病，不能去花市，只能安靜地在家休息過年喇！

追加：雖然溍溍看醫生的次數不算勁多，但總算經驗累積，年三十在繁忙的診症室中——
病人：「唔使打針？」
醫生：「係呀，唔使打針！」
檢查過後......
醫生：「唔......要開埋抗生素同埋.......」
病人：「要食咁多藥？」
醫生：「(啊！)係啊，係要食多左藥呀！」
......咁細個就知咁多病人權益？......